1. JARDUNALDIA 2009-9-19
19 de Septiembre de 2009
Irailaren 19an eman diote hasiera ligari Ordiziako infantilek. Ordizia bi eta zero irabazten hasi da Euskaldunari Beñat Murua eta Aitor Zoiloren golei esker,baina lehen zatia bi eta bat bukatu dute. Beñat Muruak ezkerrez sartu du gola eta Aitor Zoilok ixkinatik atera ondoren. Bi golak ederrak izan dira.
Bigarren zatian buelta eman diote Euskaldunakoek markagailuari eta hiru eta bi jarri dira aurretik. Beraien meritua baino, Ordiziakoen hutsegiteak izan dira gol hauen funtsa; dena dela, markagailuan berdin balio dutela onartzea izango da onena.
Ordiziakoek Josu Hernandezek penaltiz bikain sartutako golari esker partida berdintzea lortu dute, baina berriro atzekaldean zuloa aurkitu dute Euskaldunakoek eta azken emaitza Euskaldunakoen aldekoa izan da 5 eta 3 (Ordizia 3 -Euskalduna 5).
Joko aldetik jokaldi bikainak ikusi ditugu, batik bat lehen zatian eta egindako hutsegiteak jokalarien kokapen eta taldelagunen laguntzarekin pixkanaka zuzenduko dituztelakoan nago. Animo mutilak eta segi aurrera talde lanean elkarri animoak eta laguntza emanez, emaitza bikainak lortuko dituzue eta.
