1. zatia partidan sartu ezinik hasi zuten Ordiziarrek, baina berehala joko hobeaz jardunez gola etorri zen (12. minutuan) Xabi Aranbururen oinetatik. Mikel Perlinesek (16.minutuan) 2-0 jarri zuen Ordiziaren alde markagailua, erdiraketa baten ondoren sartutako golarekin.---- 2. zatian Ordiziak aukera garbiak egin zituen markagailuan zuloa irekitzeko, baina 18. minuturarte ez zuen lortu. Kornerra atera ondoren baloia Iker Goitiari etorri zitzaion eta honek atezainaren gainetik Ordiziaren hirugarrena egin zuen. Bazirudien amaiera lasaia izango genuela, baina atzealdeko hutsegite batetan (26. minutuan) eta Ordiziak bere atean egindako gol bati esker (32. minutuan) Aloña partidan sartu zen hiru minutu faltan. Azken emaitza: Ordizia-Aloña Mendi (3-2) Ordiziaren aldekoa.---- Aloñakoek ere aukerak izan zituzten partidan zehar, baina orokorrean Ordizia nagusitu zen joko eta aukeretan.
Inicia sesion