1. zatiaren hasieran joko nahasia izan da , egiten zuen eguraldiarekin baloia kontrolatzen ez zen erraza, zelaia putzuz beteta bai zegoen. Berehala, 10. minututik aurrera Ordiziako taldea nagusitzen hasi da jokaldi koordinatuak eginez eta 14. minutuan lehenengo gola egin du Julenek. Handik bi minututara sartu du Ordiziaren bigarrena Iker Goitiak. Aukera eta jokoari dagokionez nagusi izaten jarraitu du Ordiziak. Penaltia hutsegin du Ordiziak 22. minutuan, baina minutu batera hirugarren gola sartu du Xabik (aurretik langa jota zuen Xabik beste jokaldi batean). 2. zatian Jokoan sartu ezinik ibili dira hasieran bi taldeak, Ordiziak ordea gola egiten asmatu du 17. minutuan Josuren jaurtiketa bati esker. Partiduaren ondarrean (32. minutuan) Landerrek bosgarren gola sartu du Ordiziarentzat eta berehala (33. minutuan) Urkikoek beren gola egin dute Ordiziakoen hutsegite bat baliatuz. Azken emaitza: URKI-ORDIZIA (1-5) Ordiziaren aldekoa. Jokalariek gaur (zelaia zegoen egoeran egonda) franko egin dute jokaldi txukunak eginez, baloia aurkariaren ateraino eramaten. Segi horrela mutilak eta ea bigarren fasean pozak ematen jarraitzen duzuen.